Julius Caesar SCALIGER, Heroes, Heroinae, in Poematia, 1546.

Masinissa


Unum constitui Heroem describere : laudes
    Obtulit ad meritas se Masinissa suas.
Virtutem, imperium tacitus contemplor : at unus
    Non fuit. Hic longe plurimus unus, erat.
Sortis tentator variae, victorque malignae
    Cunctorum expressit omnia facta virūm.
Est, non est Regnum : est semper Masinissa. Triumphi
    Romani, ah Romae pars quoque saepe fuit.


Sophonisba


Romanas acies ego si contra, arma tulissem :
    Atque illas contra me, quoque ferre decet.
An ne dedit Genitor tantum damni, atque laboris :
    Ut super imbelles sic ferus esse velis ?
Tali in hoste : licet fortasse. at prodis amicum
    Quem tu crudelem turpiter esse doces.
At tu illo, hoc peior : quo insontem perdere possis :
    Utque necare queas me facis esse tuam.

retour