Concours du GELAHN 2003
Elèves de terminale

VERSION LATINE

Condamnation des richesses.

    Nemo vero nos fallat, nemo nobis persuadeat […] amplas opes expetendas (1): non adjuvant, sed impediunt premuntque, non sublevant. Ad hanc vitam ascensus est ; nemo in altum ascensurus supervacuis sponte ponderibus aut laqueis implicatur. Nihil auro gravius nihilque tenacius ; id, nisi quoad necessitati subvenit, nec optandum nec amandum quidem (2); ubi enim avaritiae obsequitur, nihil est, quod ferentem magis incurvet ac dejiciat et in terram cogat, neque id mirum (3) si e terra ortum ad eamdem pondere suo fertur. Non convenit animam caelestis originis terrestrium cavernularum (4) sarcinis obrui, faecibus inquinari ; praefert (5) quidem splendorem et levitatem (6) sensibus illudentem, animo autem adfert tenebras et spinas et tribulos (7) curarum tristium atque pungentium et, quo purgatius videtur, eo abditis malis infectius (8) est. Numquam solae veniunt divitiae, multa et varia mala secum vehunt et innumeros labores causasque discriminum (9).

François PETRARQUE (1304 – 1374).

Notes :
(1) sous-entendre esse
(2) sous-entendre est
(3) sous-entendre est
(4) cavernula, ae f (dim. de caverna) : petite ouverture.
(5) le sujet est aurum : l’or
(6) levitas, atis f : le poli, à ne pas confondre avec levitas, atis f : légèreté
(7) tribulus, i m : chausse-trape
(8) à partir de infectus, a, um : corrompu, imprégné
(9) discrimen, inis n : position critique, danger, péril



retour